Центарот за развој на Пелагонискиот плански регион текот на месец февруари 2019 год одржа 3 регионални форуми. Целта на форумите беше идентификација на проектни идеи за Грантовата шема финансирана во рамки на проектот ”Одржлив и инклузивен рамномерен регионален развој”. Овој проект финансиски е поддржан од страна на Министерство за локална самоуправа и Швајцарска Агенција за развој и соработка (SDC).
Согласно насоките од грантовата шема области на интервенција во рамки на кои учесниците на форумите можеа да предлагаат проектни идеи беа: туризмот, животната средина, бизнис инфраструктурата и социјалната инклузија. Имено на овие регионални форуми учесници беа претставници од јавниот, невладиниот и бизнис секторот кои преку партиципативен и транспарентен процес на работа предложија и избраа 3 регионални предлог идеи. Избраните идеи беа разработени во проектни концепти и пратени на евалуација до донаторот. Во моментот е во тек фазата на евалуација во која ќе се избере еден регионален проект во износ од околу 80.000 евра. Проектот треба да ги исполнува критериумите и барањата на донаторот и да одговара на потребите на регионот.
Со реализацијата на проектот ќе се придонесе кон одржлив, рамномерен и инклузивен регионален развој на регионот, што всушност ќе претставува и краен резултат на серијата регионални форуми.
