Центарот за развој на Пелагонискиот плански регион започна со реализација на своето портфолио на услуги. На 24/25 април 2014, ЦРППР спроведе обука за управување со проектен циклус наменета за вработените во Дирекцијата на Агенцијата за поттикнување на развој на земјоделството во РМ (АПРЗ).
Во рамките на дводневната обука, вработените на АПРЗ имаа можност преку партиципативен пристап да стекнат знаења на сите теми и аспекти поврзани со управувањето со проектен циклус (УПЦ) како што се:
- Основи и практична примена на УПЦ
- Донаторски процедури
- Фази во УПЦ
- SWOT анализа
- Дрво на проблеми/дрво на цели
- Матрица на логичка рамка
- Подготовка на буџет
- Мониторинг и евалуација на проекти
По завршувањето на обуката се зајакнаа капацитетите на АПРЗ за управуање, планирање и донесување на одлуки и се придонесе кон зголемување на капацитетот на оваа институција за апсорпција на донаторски средства.
Крајната цел на соработката помеѓу ЦРПП и АПРЗ е придонес кон поразвиено земјделство во Пелагонија како начин за забрзување на економскиот и севкупниот развој на регионот.
