На ден 21.10.2013 година во Битола започна дводневната работилница за имплементација на содржината на Правилникот за категоризација на објекти, каде учество зедоа 30 понудувачи на туристички услуги од Пелагонија и вработени во одделенија за локален економски развој од општините во Пелагонискиот регион.
На првиот ден од работилницата беа претставени целите и планираните активности на проектот ”Имплементација на законската регулатива за категоризација на турстичко-угостителски објекти во Пелагонискиот регион”, законската регулатива за категоризација на објекти, како и прегледот на постоечките состојби во туризмот во Пелагонискиот регион (статистички податоци, потенцијали, предизвици). На вториот ден од работилницата повеќе внимание се посвети на Правилникот за категоризација на туристичко-угостителски објекти од мал обем, пропратните документи потребни за категоризација на угостителските објекти и постапката на вршење на категоризација на угостителски објекти од мал обем. На крајот од работлницата, присутните добија информација за објавениот јавен повик за добивање на финансиска поддршка, со цел достигнување на постоечките стандарди и нивна категоризација. Јавниот повик е објавен во склоп на проектот за "Имплементација на законската регулатива за категоризација на туристичко-угостителските објекти во Пелагонискиот регион".
