На 9-ти јуни 2014 година со почеток во 12 часот во Хотел Лејк Вју во Отешево се одржа свечена презентација на физибилити студијата: “Анализа на алтернативни бизнис можности за процесирање на јаболка”, организирана од страна на Центарот за развој на Пелагонискиот плански регион и УСАИД.
Проектот за експанзија на мали бизниси имплементиран од Карана Корпорација. Студијата е изработена од Консултантската куќа Поинт Про од Скопје, како пилот проект за Локалната Акциона Група ПРЕСПА, формирана во рамките на ПеЛАГонија ЛЕАДЕР проектот. Пред присутните беа презентирани различните бизнис модели, кои се однесуваат на релативно мали локални бизниси за производство на квалитетни, брендирани производи од јаболка за широка потрошувачка и тоа: јаболковиот сок, јаболковото вино, јаболковото вино и оцет комбинирано, јаболковата ракија, јаболковиот чипс и јаболков концентрат.На настанот присуствуваа Градоначалникот на Општина Ресен, Директорката на Центрарот за развој на Пелагонискиот плански регион, претставници од УСАИД Проектот за експанзија на мали бизниси, претставници од приватниот и јавниот сектор од Преспанскиот регион, фармери и овоштари од Преспанскиот регион и невладини организации. На настанот свечено беше предадено и решението за упис на Здружението за рурален развој ЛОКАЛНА АКЦИОНА ГРУПА ПРЕСПА Ресен на претседателот на Здружението.
